DAVAO CITY – Subling nanawagan si City Health Office (CHO) Head Dr. Ashley Lopez sa mga dabawenyos nga lakip sa listahan nga prayoridad sa COVID vaccine nga magpalista na ug dili mutuo sa mga huhungihong bahin sa dili maayong epekto sa bakuna batok Covid-19.
Una ng gibutyag sa opisyal nga malampuson ingon man maayo ang assessment sa gilusad nga 3rd Simulation Exercise sa pag-transport sa COVID vaccine dinhi sa syudad nga gitutukan sa Davao Local Government Units diin anaa ang presensya ni Davao City Mayor Sara Duterte-Carpio, Presidential Spokesperson Atty. Harry Roque, ug uban pang opisyales.
Kahinumdoman nga una ng gibutyag sa National Government nga gipanigurado ingon man suportado niini ang Davao City sa Covid-19 vaccination program.
Gitino sab ni Lopez gamay na lamang ang kulang aron mahuman na ang master listing alang sa prayoridad nga matuplokan sa bakuna batok Covid-19.
Gawas niini, gamay na lamang ang kinahanglan nga i-improve alang sa ipahigayon nga vaccination program, una matud pa niini ang registration nga himuon diin aduna pay technical adjustments nga gihimo ang National Government.
VIA // Kiez Guipitacio
