DAVAO CITY – Laoman sumala pa nga matapos na sulod karong semana matapos na ang gipahigayon nga pagpanglista sa mga frontliners nga mamahimong kabahin sa mga prayoridad nga mabakunahan batok Covid-19.
Una ng gibutyag ni City Health Office (CHO) head Ashley Lopez nga anaa na karon sa 80 porsyento ang ihap sa mga frontliners nga nakalista diin kabahin pa gihapon kini sa mga lakang nga gihimo karon sa lokal nga kagamhanan aron nga mahan-ay na ang tanan sa higayon nga maabot na dinhi sa siyudad ang supply sa bakuna.
Samtang sa mga grupo nga kalakip sa group B ug C, gikanayon ni Lopez nga hulaton lamang kung kanus-a kini i-anunsiyo sa ahensiya.
Kahinumduman nga kinahanglan sumala pa nga unahon ang mga frontliners sama sa mga health workers, kapulisan, militar ug daghanan pa gumikan kay ang mga nahisgutan ang gipangtahasan nga modula sa kaso sa covid-19.
