DAVAO CITY – Laoman sumala pa nga moabot sa dakbayan ang initial doses sa coronavirus disease (COVID-19) vaccines alang sa dakbayan sa Davao karong semanaha.
Sumala pa kang City Health Office acting head Dr. Ashley Lopez nga ang nahisgutan nga bakuna ang igahin una sa mga frontline health workers sa Southern Philippines Medical Center (SPMC).
Gikan sa 5,000 ka mga empleyado sa SPMC, anaa sa 3,200 health workers ang una nga mabakunahan.
Dili pa sab makabutyag ang lokal nga kagamhanan kung unsa nga brand sa bakuna ang moabot sa nasod ingon man ihap sa doses na itagana sa siyudad.
Kalakip sa gipangandaman karon sa siyudad ang pag-angkon sa -70 degrees Celsius temperature requirement sa Pfizer-BionTech.
Una ng nagpahigayon ang Local health authorities ug simulation exercise sa milabay nga adlaw aron nga masayran kung paunsa dad-on ang bakuna gikan sa Davao International Airport paingon sa ultra-cold storage facility sa SPMC.
Una ng nagpadayag si Lopez ug concern kalabot sa paggamit sa SPMC facility alang sa storage sanglit gigamit sab kini isip storage sa mga specimens nga posibleng hinungdan nga ma-contaminate ang mga bakuna.
