DAVAO CITY – Subling nagpahinumdom karon ang lokal nga kagamhanan sa mga adunay plano nga mogawas atol sa kausalogan sa Chinese New Year ug Valentines day nga kanunay ipabilin ang pagtuman sa Health protocols sanglit nagpabilin pa gihapon ang bahad sa Covid 19.
Laoman sumala pa nga daghanan ang moadto sa mga mall ug uban pang lugar sa siyudad aron nga mag-date ug mosuroy.
Tungod niini, nanawagan si Dr. Ashley Lopez, OIC sa City Health Office (CHO) nga kinahanglan ipabilin sa katawhan ang disiplina sa kaugalingon aron nga dili matakdan sa makamatay nga virus bisan asa pa man moadto.
Kahinumduman nga una na sab nga gibutyag ni Mayor Inday Sara Duterte-Carpio nga himuong online ang pagsaulog sa Chinese new year kini aron nga malikayan nag mass gathering nga hinungdan sab sa transmission sa virus.
