DAVAO CITY – Mas mapaayo pa ang serbisyo sa Davao International Airport sa higayon nga mamahimong operational na ang kapin 200 ka mga container vans nga magsilbing holding facility ingon man molecular laboratory.
Gikanayong sa bulan sa Pebrero, magsugod na ang operasyon niini hinungdan nga mas daghanang pasahero ang mamahimo na nga maakomodar samtang naghulat ug resulta sa ilang RT-PCR test.
Gawas niini, sa airport na sab ipahigayon ang test sa mga pasahero ug hulaton na lamang sa mga nahisgutan ang ilang resulta.
Sumala pa kang Dean Ortiz, tigpamaba sa Department of Public Works and Highways (DPWH) 11 nga nalangay lamang ug dyutay ang pag-abot sa mga container vans apan pagsulod sa Pebrero magsugod na ang operasyon niini.
Mas daghanan na sab nga mga miyembro sa Locally Stranded Individuals (LSI) o returning residence gikan sa nagkadaiyang lugar sa nasod.
