DAVAO CITY – Gilaomang sugdan na ang implementasyon sa bag-ong Food and Medicine Pass (FM) Pass karong katapusang bahin sa Enero 2021 sa dakbayan sa dabaw.
Gitino ni Davao City liga ng Brgy. President Coun. Edgar Ibuyan Sr., nga padayon gihapon ang pagpanghatag sa bag-ong FM Pass sa nagkadaiyang Barangay sa syudad apan aduna gihapoy mga barangay ang kasamtangan wala pa nahuman ang pagpanghatag, hilabi na kadtong mga lagyong dapit sama na lamang sa 1st ug 2nd district sa syudad.
Hinuon, gipunting sa opisyal nga ayha paman mahuman ang bulan sa Enero, masugdan na ang pagpatuman sa bag-ong FM Pass sa syudad. Kasamtangan, anaa na sa 300,000 nga FM Pass ang gipang apud-apud sa syudad.
Kahinumdoman nga gipatuman ang FM Pass kini aron makontrola ang pag sulod gawas sa mga katawhan ug aron masuta gilayon kung essential ang tumong sa maong lakaw kini gumikan sa nagpadayon nga bahad sa Covid-19.
