DAVAO CITY – Gisugdan na ang pagpanghatag sa bag-ong Food and Medicine Pass (FM PASS) sa dakbayan sa Dabaw diin color coding na kini matag distrito.
Gihimo nga house to house ang pagpanghatag sa bag-ong Food and Medicine Pass isip pamaagi sa mga purok leaders kini aron masiguro ang kaluwasan sa mga residente sanglit nagpabilin pa gihapon ang bahad sa COVID-19.
Kahinumduman nga okupado karon ang mga nagkadaiyang barangay sa siyudad sa paglista sa ilang mga residente aron masiguro nga masubay kadtong angayan lamang nga hatagan og FM pass.
Tumong sa bag-ong ipagula nga FM Pass nga malimitahan ang lihok sa mga tawo ug dili basta-basta nga makatabok sa pikas distrito.
Dungan sa pagpalabang sa ordinansa kalabot sa FM pass, hayan nga mag-atubang og silot ang magplano nga mag-tamper, mameke o mogamit og lain nga pangalan aron lamang motabok sa lain nga distrito.
