DAVAO CITY – Gina plastar na sa lokal nga panggamhanan ang gidungag nga lima ka mga swab centers gumikan nga posible sumala pa nga musaka ang ihap sa kaso sa COVID-19 sa dakbayan sa Dabaw karong holiday season.
Sumala sa pamahayag ni Davao City Focal Person on COVID-19 nga si Dr. Ashley Lopez, gipunting sa panggamhanan nga magamit na kini karong semanaha kung diin itukod kini sa Brgy. Ilang; Daliao Toril; Mintal; SIR Matina ug Matina Aplaya.
Dugang niya nga dako kaayo kini og tabang sa katawhan gumikan nga dili na kinahanglan pa nga muadto sa Sta. Ana Health Center kadtong mga indibidwal nga bu-ot magpa swab test.
Gibutyag sab ni Lopez nga mipahimutang sila og dugang isolation facility alang sa pagpangandam sa posible nga pagsaka sa kaso sa COVID-19 dinhi sa syudad.
Hinuon, subay sa datos sa SPMC as of Dec 15, 2020, anaa pa sa 65 % ang safe level o utilization rate sa COVID-19 facilities samtang aduna pay 380 beds nga kasamtangang available.
Ang sunod-sunod nga pahayag ni Davao City Focal Person on Covid-19 nga si Dr. Ashley Lopez
