DAVAO CITY – Hugtanon pa gihapon karon ang gipatuman nga inspeksiyon sa mga personahe sa Task Force Davao (TFD) sa mga produkto nga planong ipayuhot dinhi sa dakbayan sa Davao kini human nga pabilin ang kaso sa African Swine Fever (ASF) sa Island Garden City of Samal (ASF).
Sumala pa kang Col. Consolito Yecla, commander sa TFD, 24/7 nila nga ginabantayan ang mga checkpoint aron masiguro nga walay mga kontrabando nga makasulod sa dakbayan nga posibleng nagdala ug ASF.
Partikular sa ilang gitutokan ang Lacson, Sirawan, Calinana, Buda, Sasa ug Sta. Wharf.
Mipahimangno na lamang karon si Yecla sa mga adunay produkto nga isulod dinhi sa siyudad nga kinahanglan magdala kini ug mga gikinahanglan nga mga dokumento aron nga walay mamahimong problema.
Kahinumduman nga nakatala ang siyudad ug kaso sa ASF kaniadtong bulan sa Hulyo hinungdan nga mipahigayon gilayon ug culling sa mga baboy nga sakop sa mga apektadong barangay.
