DAVAO CITY – Gipamahayag ni City Transport and Traffic Management Office (CTTMO) head Dionesio Abude nga dili lamang ang ilang buhatan ang gitahasan sa mga ginapahigayon nga road clearing operations kung dili lakip na ang uban pang hingtungdang ahensiya sa panggamhanan ingon man mga barangay diin kini nahisakop.
Dugang niini nga mas concern sumala pa sa ilang buhatan ang mga sakyanan nga nakababag sa mga kadalanan diin sila ang nagapahigayon ug pagpangsita.
Aduna sumala pay road clearing alang sa mga permanent structure diin gitahasan niini ang buhatan sa City Engineer’s Office (CTO).
Samtang sa mga illegal vendors, gitahasan sab niini ang Ancillary Services Unit (ASU).
Tipik lamang ang pahayag sa opisyal human nga gikuwestiyon sa Commission on Audit (COA) ang pondo alang sa road clearing sa dakbayan apan wala sumala pa natarung ang pagpatuman niini.
Samtang gibutyag sab ni Abude nga kanunay sumala pa ang gipahigayon nga pagmonitor sa ilang mga sakop sa mga dalan nga sagad adunay nagaparada nga mga sakyanan bisan nga hugtanon kini nga gidili.
Hinuon daghanan sumala pa sa mga driver ang motamud sa kamanduan sanglit sayud sila nga adunay mga personahe sa CTTMO ang gipakatag sa mga nag-unang kadalanan sa siyudad.
