DAVAO CITY – Gitin-aw ni Mayor Inday Sara Duterte Carpio nga dili kinahanglan nga dunganon sa pagpakita ang Safety Davao QR Code, FM Pass ug Work ID.
Sumala sa pamahayag ni Mayor Sara nga, dapat usa lamang ang ipakita nga dukumento sa mga checkpoints apan kinahanglan matud pa nga magpares ang DRQ ug ang Work ID atol sa pagpangita sa mga otoridad gumikan nga allowed movement ang pagpanarbaho ilawom sa General Community Quarantine (GCQ).
Samtang, kinahanglan nga pares sab ang DQR ug FM Pass nga gamiton lamang kung essential ang tuyo sa gawas.
Kahinumdoman nga gipatuman ang FM Pass sa syudad kini aron makontrola ang pagkuyanap sa Covid-19.
Dugang niya nga dili na labot sa rekisitos ang pagpangita og dunggan sa FM Pass ug Work ID. Gani, giangkon sa Mayor nga usa kini ka sayop sa mga checkpoints ang pagdunggan og pagpangita sa mga nahisgutang rekisitos.
