DAVAO CITY – Gipresenta sa mga kasundalohan ilalom sa 1003rd Brigade Philippine Army ang mga nagkadaiyang tag-as nga kalibre sa armas nga narekober sa kasundalohan ug gidala sa mga rebelde nga mibalik na sa sabakan sa kagamhanan.
Ang nahisgutan nga aktibidad gitambongan mismo ni Davao City Mayor Inday Sara Duterte-Carpio nga gihimo atubangan sa Davao City Hall pasado alas kuwatro kagahapon sa hapon.
Gikanayong ang mga rebel returnee ug surrenderees ang susama nga ipailalom sa Enhanced Comprehensive Local Integrated Program (E-Clip) sa kagamhanan aron nga matabangan ang mga nahisgutan nga makasugod pagbalik sa ilang bag-ong kinabuhi.
Gikanayong sukad bulan sa Enero mikabat na sa 12 ka mga engkuwentro tali sa mga kasundalohan ilalom sa 1003rd Brigade ug mga miyembro sa New People’s Army (NPA).
