DAVAO CITY -Padayon karon nga gimonitor sa Department of Agriculture (DA) 11 ang kalabot sa impormasyon nga adunay tulo ka mga barangay sa Island Garden City of Samal (IGACOS) gidudahang naapektohan ang ilang mga binuhing baboy sa African Swine Fever (ASF).
Kahinumduman nga mipagula karon ug Executive Order ang IGACOS diin unod niini ang temperaryo nga pagpasulod o pagpagawas sa mga buhi ug karneng baboy, pork based product ug mga pagkaon nga gama sa baboy.
Tumong sumala pa sa maong lakang nga mapanalipdan ang Swine Industry sa lugar ug mapugngan ang mapugngan ang posibleng pagkatag sa mga kasikbit nga dapit ang ASF.
Sa kasamtangan, gihulat na lamang ang resulta sa sample sa mga namatay nga baboy aron masayran kung positibo o negatibo kini sa maong sakit.
Sumala pa sa IGACOS Mayor Al David Uy, aduna sumala pay nagpayuhot ug mga karne pasulod sa lugar ug gihimo sumala pa nga lamaw hinungdan nga naapektohan ang mga baboy sa nahisgutan nga mga barangay.
