DAVAO CITY – Susama karon nga gipangpaslak sa presohan sa San Pedro Police Station ang 4 ka mga durugista nga susamang nasikop atol sa managlahing buybust operation sa mga operatiba ubos sa pagdumala ni PMaj.Jack Leon Tilcag,Station Commander.
Unang nadakpan ang duha sa Bryco, Bangkerohan nga sila Angelo Tayo 33, ug Liza Romano alyas Liling 28-anyos ug nakuhaan ug 4 ka mga pakete sa iligal nga druga.
Samtang dakpan sab ang usa ka construction worker sa Bolton Bridge nga si Joey Pangilan alyas Alaw 34- anyos diin nakuhaan kini ug mga nagkadaiyang pakete sa iligal nga druga nga dunay street value nga mukabat sa P25,000.
Sikop sab ang usa ka Gilbert Cruz alyas Buyong 34- anyos nga taga Isla Suerte, Ecoland, Brgy.76-A ning dakbayan ug nakumpiska ang P2,500 nga kantidad sa iligal nga druga.
Susama nga mag-atubang ang mga nahisgutan ug kasong kalapasan sa Republic Act 9165 kun Comprehensive Dangerous Drugs Act of 2002.
