DAVAO CITY – Magpadayon na sa iyang trabaho si Archbishop Romulo Valles isip presidente sa Catholic Bishops’ Conference of the Philippines (CBCP) human ang pipila ka bulan nga pagpahulay human nga miduso kini ug medical leave gumikan sa mild stroke.
Sumala pa kang CBCP Vice President ug Caloocan Bishop Pablo Virgilio David andam na matud pa nga mobalik sa iyang katungdanan si Valles gumikan kay maayo na matud pa ang kondisyon sa panglawas niini.
Kahinumduman nga miduso kaniadtong bulan sa hunyo ug leave si Valles aron nga magpa-alim sa iyang mild stroke hinundgan nga gi-appoint si David isip acting CBCP president.
Na-confine ang nahisgutan sa usa ka balay tambalanan sa siyudad kaniadtong May 23 ug na-discharge kaniadtong Hulyo 6 ug nagpabilin ug dugay sa healthcare facility gumikan sa pneumonia.
Gitataw sab ni David nga pangunahan ni Valles ang CBCP Permanent Council online meeting ngg gikatakda sa Nobyembre 25.
