DAVAO CITY – Mipasalig ang Department of Health (DOH) nga dungagan ang mga nurses sa Southern Philippines Medical Center (SPMC) gumikan nagkadaghan na ang gina-atiman nga COVID-19 patients sa ospital.
Gibutyag ni SPMC OIC Medical Chief Dr. Ricardo Audan nga kulang na ang nurses sa ospital gumikan nga ang pipila niini nataptan sa makamatay nga virus.
Base sa datos sa DOH nga mikabat sa 269 ka mga nurses sa Region XI ang nataptan sa maong sakit ug duha niini ang namatay samtang 89 ka mga nursing attendant ang nagpositibo sab.
Nanawagan si Audan sa DOH nga dungagan ang mga nurses sa ospital ilabi na karon nga gaplano na ang City Government of Davao nga dungagan ang bed capacity sa SPMC alang sa COVID-19 ward expansion.
Hinuon, mipasalig sab ang ahensya sa DOH nga magdungag og mga nurses sa maong ospital
Pahayag ni SPMC OIC Medical Chief Dr. Ricardo Audan.
