DAVAO CITY – Gibalhug na karon sa presohan ug gipasakahan na og kaso ang usa ka 39 anyos nga lalaki human nga nalambigit kini sa pagpameke og Travel Pass sa COVID-19 ingon man Medical Certificate.
Kahinumduman nga gilusad sa mga sakop sa kapulisan ingon man LGU-Tagum ang entrapment operation hinungdan nga malampuson nga nasikop ang suspek nga si Noel Cacacho Concepcion, residente sa Saosao, Mawab, Davao de Oro.
Gilusad ang operasyon sa Noel Enterprises sa Arellano Street, Tagum diin akto nga nadakpan ang suspek nga naghimo og mga peke nga mga Travel Authority ug Medical Certificate sa Tagum City.
Gikanayong adunay nagpaka-aron ingnon nga kostumer nga sakop sa City Disaster Risk Reduction Management Office ug nakumpirma nga nagahimo ang dinakpan og peke nga mga dokumento.
Una ng nasayran nga dugay na sab nga nalambigit sa susama nga binuhatan ang suspek sukad nga nahitabo ang COVID-19 pandemic.
