DAVAO CITY – Nakatala ang Davao City Police Office (DCPO) og kinse ka mga malapason sa Food and Medicine Pass dihang subli kini nga gipatuman sugod sa milabay nga adlaw.
Sumala pa kang Pol. Capt. Rose Aguilar, tigpamaba sa DCPO nga pagpamatuod lamang kini nga seryoso ang kapulisan sa pagpatuman sa polisiya.
Subling gipasabot sa opisyal nga ang FM pass gamiton lamang kung mupalit og pagkaon ug medisina apan kadtong adunay mga trabaho, bugtong company ID lamang ang mamahimong i-presenta sa higayon nga molatas sa control point.
Gitataw sab ni Capt. Aguilar nga dili presohon ang mga walay FM pass inay ipailalom kini sa makuti nga imbestigasyon sanglit wala gipadaplin sa otoridad ang posibilidad nga migamit kini ug lain nga pangalan.
Ginahan-ay sab ang mga gikinahanglan nga dokumento sa piskalya ayha kini papauli-on.
Dugang ni Aguilar nga kadtong mga walay FM pass mamahimong makiglambigit sa ilang Purok leader o sa Barangay apan mopailalom pa gihapon kini sa mga pagpangutana kung unsa ka importante ang paggawas niini.
Pahayag ni Pol. Capt. Rose Aguilar, tigpamaba sa DCPO.
