DAVAO CITY – Suportado sa Department of Health (DOH) ang rekomendasyon sa Inter-Agency Task Force (IATF) nga ibalik sa General Community Quarantine (GCQ) ang dakbayan sa Davao kini aron nga mapugngan ang pagsaka sa COVID-19 cases sa lungsod.
Kahinumduman nga mismong si National Task Force (NTF) Against COVID-19 Chief Implementer Sec. Carlito Galvez Jr. ang mirekomenda nga subling ipatuman ang GCQ sa lungsod human sa gipahigayon nga National Code Team Meeting kagahapon kauban ang RIAFT ug RTF XI.
Kahinumduman nga una ng gikumpirma ni Davao City Mayor Inday Sara Duterte-Carpio nga adunay nadawat nga sulat ang lokal nga kagamhanan gikan sa pribadong doktor nga nagrekomendang mas maayong hugtanon nga ipatuman ang quarantine classification sa syudad.
Una ng mihangyo ang mga health workers sa dakbayan nga ipailalom sa duruha ka semana nga lockdown ang syudad kini human nga pipila ka higayon ng nag-una ang dakbayan sa mga lugar sa nasoud nga adunay pinakataas nga kaso sa COVID-19.
