DAVAO CITY – Nanawagan si Mayor Maria Theresa Timbol, sa Kapalong Davao del Norte ngadto sa mga residente nga sakop sa ilang lalawigan nga padayong motamud sa mga Health protocols kini human nga miubos na matud pa ang pondo sa LGU nga alang sa mga kaso sa COVID-19 response.
Nasayran nga gigahinan nila karon og food assistance ang pipila ka mga residente ingon man gitabangan sab nila ang mga Locally Stranded Individuals (LSI).
Hinuon gibutyag ni Mayor Timbol nga aron aduna pay magasto ang ilang lalawigan, gi-ablihan nila ang ilang mga tourist destination ug gihan-ay na sab nila ang ilang supplemental budget.
Padayon sab ang ilang pahimangno nga kung dili mahinungdanon ang lakaw paingon sa mga kasikbit nga lugar, mas maayong magpundo na lamang sa mga panimalay aron malikayan ang local transmission sa kagaw.
Pahayag ni Mayor Maria Theresa Timbol, sa Kapalong Davao del Norte.
