DAVAO CITY – Sa ikaduhang semana sa Disyembre ning kasamtangan nga tuig laoman nga makasugod na sa pag-operate ang gitukod nga crematorium sa siyudad. Una ng gibutyag ni Engr. Joseph Dominic Felizarta, head sa City Engineer’s Office nga 80 porsyento na ang completion sa gitukod nga gambalay.
Nasayran sa nahisgutan nga gisugdan ang pagtukod niini kaniadtong sa bulan sa Setyembre ug target unta kini nga matapos sa Enero 2021 apan tungod kay paspas ang trabaho, laoman nga matapos kini pagsulod sa bulan sa Disyembre dungan usab sa pagsugod sa operasyon niini.
Gikanayong 14 milyones ka pesos ang gigahin ngaq pondo alang sa pagtukod niini.
Magamit na sab sumala pa ang machine nga gikinahanglabn sa cremation apan laraw sa lokal nga kagamhanan nga dungagan pa kini ug usa.
Gitukod ang crematorium kini aron makapangandam pa ang siyudad sa higayon nga mosaka ang ihap sa mga namatay nga natakdan ug covid-19 diin sagad ginapailalom sa susama nga proseso ang mga patay’ng lawas niini.
