DAVAO CITY – Gipahibalo sa lokal mga kagamhanan sa Tagum City nga mopahamtang na sila karon ug mga penalty batok sa mga malapason sa balaud ilabi na sa mga gipatuman nga lakang aron mapugngan ang pagsaka sa kaso sa Covid-19.
Sa gipagula nga Tagum City Ordinance NO. 939 series of 2020, angayan sumala pa nga motamud na ang mga residente sa lugar sa pagsuot ug Face Mask sa tanan ilabi na kung moadto sa mga pampublikong lugar.
Aron nga mapalig-on ang maong kamandoan, aduna nay gipahamtang nga multa sa mga makasupak niini, sa First (1st) Offense – ang offender pahamtangan ug Five Hundred Pesos (P 500) fine, sa second (2nd) Offense pahamtangan ug One Thousand Five Hundred Pesos (P 1,500) fine nga multa samtang sa Third (3rd) Offense pahamtangan ug Five Thousand Pesos (P 5,000) o pagkabilanggo sulod sa usa ka semana o susama nga silo ug discretion ngadto sa korte.
Kahinumduman nga suspendido karong adlawa ang City sa Treasurer’s Office sa City Hall gumikan sa ipahigayon nga decontamination activity sa buhatan human makumpirma nga usa sa ilang mga empleyado ang nagpositibo sa COVID-19.
Hinuon magpadayon matud pa ang ilang operasyonb ugmang adlawa, November 17, 2020.
