-- ADVERTISEMENT --
DAVAO CITY – Luyo sa pamimangno sa kapulisan nga likayan ang pagtapok-tapok gumikan kay mamahimo kini gigikanan sa Covid-19, daghanan pa gihapon ang mosupak niini.
Kahinumduman nga anaa sa walo ka mga sabungero ang gipangsikop sa mga personahe sa Toril Police Station pasado ala una kagahapon sa hapon sa Purok 3 Sitio San Agustin, Brgy. Daliaon Plantation, Toril, Davao City.
Gipahugtan karon sa mga sakop sa Toril PNP ang ilang pagmonitor ilabi na sa mga masinupakon sa health protocols ingon man anti-illegal gambling operation.
Una ng narekober sa posisyon sa mga dinakpan ang mga bihag nga manok, mga pusta ug mga tari. Gi-andam na karon sa kapulisan ang iduso nga kaso batok sa mga dinakpan.
