DAVAO CITY – Gikanayon ni Rachel Ramitere, director sa Department of Trade and Industry (DTI)-11, nga sugdan na nila karong adlawa ang pagsubay sa mga tindahan dinhi sa siyudad partikular na kadtong mga naninda ug Christmas lights.
Tumong niini nga masigurong luwas ang mga baligya nga mga Christmas lights ug dili mohatud ug disgrasya sama na lamang sa sunog.
Sumala sa opisyal nga pangunahan sa ilang enforcement ug monitoring team ang pagbisita sa mga tindahan diin subayon nila ug adunay ICC ug PS mark stickers sa mga gipangtinda nga mga Christmas lights.
Gikanayong duruha ka higayon sa usa ka semana sumala pa nila himuon ang nahisgutan nga lakang.
Mipahimangno sab si Ramitere nga pasakahan nila ug reklamo kadtong mga mosupak o maninda ug mga sub standard nga mga produkto.
