DAVAO CITY – Gilayon nga mihimo ug aksiyon ang ahensiya sa Depertment of Agriculture (DA) human nga nakasulod na sab ang kaso sa African Swine Fever (ASF) sa lalawigan sa Davao del Norte.
Sa kasamtangan anaa na sa kapin 200 ka mga baboy ang gipailalom sa depopulation sa Tagum kini aron masiguro nga dili kini makaapekto ngadto sa uban nga mga baboy sa lugar.
Una ng nasayran sa ahensiya nga una ng nagsugod ang ASF sa Davao del norte sa Tagum, misunod sa Carmen hangtud nga naabot na kini karon sa Sto. Tomas.
Sa kasamtangan gisubay pa sa ahensiya kung pila na ang napailalom sa culling sa Carmen ug Sto. Tomas.
Hinuong gipasalig ni Noel Provido, information officer sa DA-11 nga hatagan ahensiya ug assistance ang mga apektadong Hog raisers ingon man hatagan sab nila kini ug pangibuhian.
