DAVAO CITY – Gilusad kagahapong adlawa sa Department of Health (DOH) region 11 sa Monkayo Davao de Oro ang unang adlaw sa supplemental Immunization activity nga gitawag ug Chikiting Ligtas sa dugang bakuna batok tipdas ug Rubella.
Sa davao region target nga mahatagan ug bakuna batok tipdas ug rubella ang 475,029 ang mga bata na nag-edad ug 5 hangtud 59 months.
Karong tuiga gikatala ang 580 ka mga kaso sa tipdas sa region 11 kung diin 109 niini ang naggikan sa dakbayan sa dabaw, 57 sa Davao de Oro, 92 sa Davao del Norte, 44 sa davao del sur, 15 sa Davao Occidental, ug 263 sa Davao Orientral, samtang 7 usab ka mga bata ang gikatalang namatay karong tuiga.
Samtang, nanawagan ang DOH 11 ngadto sa mga ginikanan nga bisitahon ang ilang tagsa-tagsa ka mga barangay health center aron pakisayran ang mga schedule alang sa nagpadayong supplemetal immunization activity.
