DAVAO CITY – Nadungagan pa karon ang ihap sa mga miyembro sa New People’s Army (NPA) ug ang ilang mass supporters nga mibalik sa sabakan sa kagamhanan human nga nakita nila nga tinud-anay ang ihatag nga pagtabang sa gobyerno aron nga makasugod sa ilang bag-ong kinabuhi.
Gikanayong human nga misurender ang unang 40 ka mga NPA members ug mass supporters sa tunga-tunga nga bahin sa Oktubre, laing batch na sab nga gilangkuban sa 37 NPA mass supporters ang mitahan sa milabay nga semana.
Gikan ang mga nahisgutan sa Sitio Bahawan, Barangay Marayag, ug Sitio Malig, Barangay Don Mariano Marcos lungsod sa Lupon.
Gidawat ang mga nahisgutan ni Provincial Task Force to End Local Communist Armed Conflict (ELCAC) Vice-Chairman Ednar Dayanghirang ug sa Provincial capitol.
Sumala pa kang Dayanghirang ang halapad nga pagtahan sa mga komunistang grupo usa ka epekto sa localized implementation sa Executive Order (EO) 70 ni Pangulong Rodrigo Duterte ug sa iyang giduso nga Executive Order 13.
Gitataw sab sa opisyal nga ang pagbalik sa mga NPA sa sabakan sa gobyerno panigurado sumala pa nga adunay dakong epekto sa operasyon sa komunistang kalihokan.
