DAVAO CITY – Mipagula na ang lokal nga kagamhanan ug Executive Order (EO) No. 55-A mga listahan sa mga sector ug indibidwal nga exempted sa 7 p.m. hangtud 5 a.m. curfew.
Sa gi-amyendahan nga EO, pipila sa mga sektor nga exempted ang gilangkuban sa mga indibidwal nga mitambong sa haya sa ilang kabanay, mga pari, imams, pastors, ug uban pang religious ministers nga nagapahigayon ug funeral/burial prayers; public utility vehicles; agricultural ug non-agricultural cargo; food delivery services; airplane passengers nga mobiyahe paggawas ug pasulod sa airport; market suppliers, deliveries ug vendors; mga nagbiyahe nga mi-agi sa siyudad; tanan nga mga medical, emergency ug disaster cases sama sa pagpalit ug mga tambal, medical supplies and equipment; ug pasyente ingon man ang ilang assistant ug driver nga mosulod ug mogawas sa hospital, chemotherapy center, dialysis center, ug uban pang medical treatment, therapy, ug rehabilitation service.
Apan mipahimangno ang lokal nga kagamhanan sa mga empleyado atol sa curfew time nga kinahanglan magdala kini ug valid company identification card (ID) nga ilang i-presenta sa checkpoints.
