DAVAO CITY – Kinatibuk-ang 635 healthcare workers (HCWs) na sa tibuok Davao Region ang apektado sa Covid-19 sukad miigo ang pandemic sa rehiyon sa milabay nga bulan sa Marso .
Sumala sa Department of Health-Davao Region (DOH-Davao) nga as of October 19, anaa na sa 635 infected HCWs, 496 ang naka-recover samtang 135 ang nagpa-alim. Mikabat sab sa 4 ka mga HCWs, ang namatay tungod sa Covid-19.
Sagad sumala pa sa mga natakdan mao kadtong nurses nga anaa sa 164 cases, diin duruha sa mga nahisgutan ang namatay.
Gisundan kini sa physicians nga anaa sa 94, nurse attendants anaa sa 56, medical technologist anaa sa 35 ug uban pang HCWs nga anaa sa 59.
Wala sa nahisgutan nga HCW professions ang adunay namatay.
Nakatala sab ang DOH-Davao ug 63 non-medical staff nga na-infect sa novel coronavirus.
Duruha kanila ang namatay diin natala ang highest case fatality rate nga anaa sa 3.2 percent, kung itandi sa 1.2 percent case fatality rate sa natakdan nga nurse.
Anaa sab sa 160 non-medical HCWs ug frontliners ang infected sa virus apan walay natalang namatay.
Hinuon wala na mihatag pa ang DOH-Davao ug breakdown matag Covid-19 designated hospital.
