DAVAO CITY – Nakasinate na sab ug high tide ang pipila ka mga coastal Barangay pasado alas otso kagabie hinungdan nga adunay mga residente nga nanghikling kini tungod nasudlan na ug tubig-dagat ang ilang mga panimalay.
Sumala sa City Disaster Risk Reduction and Management Office (CDRRMO) anaa sa usa ka balay ang naguba hatud sa kusog nga hangin ingon man taas ang lebel sa tubig-dagat sa may Km. 10 Parola, Sasa ning siyudad samtang anaa sa duruha ka mga panimalay sab ang partially damage.
Sa kinatibuk-an, anaa sa 15 ka mga indibidwal nga gilangkuban sa unom (6) ka pamilya ang gipahikling human nga apektado sa pagsaka sa tubig-dagat.
Gawas sa Sasa area, una na sab nga gipahimangnoan ang mga nanimuyo sa coastal areas sa Binugao paingon na sa Lasang ning siyudad.
Kahinumduman nga sunod-sunod na nga nakasinate ug high tide ingon man pagbaha ang siyudad kini hatud pa gihapon sa daut nga kahimtang sa panahon.
