DAVAO CITY – Mihatag ug katin-awan ang ahensiya sa Land Transportation Franchising and Regulatory Board (LTFRB) 11 nga dili kalakip ang mga Pampasaherong dyip sa ipatuman nga curfew hinungdan nga gi-awhag niini ang mga driver nga mamasahero pa gihapon sa gabie ilabi na nga adunay mga empleyado nga naga-duty ug naga-uli sa nahisgutan nga oras.
Kahinumduman nga sugod unyang alas siete sa gabie hangtud alas singko sa buntag subling ibalik ang pagpatuman sa curfew hour kini aron malimitahan ang lihok sa mga tawo hatud sa nagkagrabe nga kaso sa Covid-19 sa dakbayan.
Sagad sa mga taxi ug PUV drivers ang mapugos na lamang sa pagbiyahe bisan nga wala na matud pay pasahero kini tungod wala sab sila mapakaon sa ilang pamilya.
Apan gikanayon ni City Transport and Traffic Management Office (CTTMO) head Dionesio Abude nga posibleng subli sab nga i-deploy ang mga bus augmentation apan dili kini makasiguro nga libre kini sanglit adunay nagabiyahe usab nga mga ka-kompetensiya niini sa pagpamasada.
