DAVAO CITY – Subling nanawagan ang lokal nga kagamhanan sa mga ginikanan nga adunay anak nga edad 9 hangtud 59 months nga pabakunahan ang ilang mga anak batok tipdas atol sa ipahigayon nga city-wide measles immunization sugod sa Oktubre 25 hangtud Nobyembre 26.
Sumala pa kang Dr. Julinda Acosta, head sa City Health Office (CHO) Technical Division, nga ang city-wide immunization activity karong tuiga ang ipahigayon pinaagi sa fixed posts sama sa barangay health centers, health stations, nutrition posts ingon man temporary posts sama sa covered courts inay nga house-to-house strategy.
Target karon sa siyudad nga mabakunahan ang kapin kun kulang 150,000 ka mga bata nga edad 9 hangtid 59 months apan basehan niini ang immunization status aron masiguro nga dili kini maulahi.
Karong tuiga, ang CHO nakatala ug ubos lamang nga kaso sa tipdas dinhi sa dakbayan uban ang 133 ka kaso ug 2 ang namatay kung itandi sa 835 cases ug 13 deaths sa milabay nga tuiga.
Nakatabang sa ubos nga ihap ang quarantine diin dili tugtan ang mga nahisgutan nga makagawas tungod sa pandemic.
