DAVAO CITY – Dungan sa gikatakdang pag-abli sa klase sa mosunod nga bulan diiin kadaghanan sa mga estudyante ang mopailalom sa blended learning diin kalakip niini ang online classes, subling nagpasibaw sa iyang pagkadismaya si Pangulong Rodrigo Duterte kalabot sa padayon nga reklamo batok sa mga Telecommunication Companies (Telcos).
Sa iyang Public Address, miapela ang Pangulo sa mga telcos nga kung mamahimo ayuhon pa sa mga nahisgutan ang ilang serbisyo sa publiko.
Hinuon gikanayon sab sa Pangulo nga usa sa mga problema sa telcos kung nganong dili maayo ang ilang serbisyo kini tungod na sab sa mga gipangayo nga mga requirements ug ang reklamo sa komunidad sa ilang itukod nga istraktura sama sa mga tower.
Nanawagan na lamang ang Punong ehekutibo sa publiko ug kooperasyon tali sa mga telcos aron nga mas mapaayo pa sa mga nahisgutan ang ilang paghatag ug serbisyo.
