DAVAO CITY – Gikalipay sa mga negosyante ning dakbayan sa Davao ang hingpit nga pagtapos sa gipatuman nga 24 liquor gumikan kay makatabang kini sa ilang negosyo.
Apan gitino ni Police Col. Kirby John Kraft, director sa Davao City Police Office (DCPO) nga bisan nga gi-lift na ang liquor ban aduna pa gihapoy mga regulasyon nga kinahanglan nga tumanon sa mga negosyante sama na lamang sa limitado lamang nga pag-serve sa ilimnong makahubog ngadto sa duruha lamang ka botelya kini base na sab sa gimando ni Davao City Mayor Inday Sara Duterte-Carpio.
Susama sab ang gibutyag ni Ashley Lopez, head sa Vices Regulation Unit (VRU) diin kinahanglan responsable ang mga tindahan nga kinahanglan duruha ka botelya lamang ang ihatag sa ilang mga customer ug dili na kini pasobrahan.
