DAVAO CITY – Wala sumala pay angayan nga kabalak-an ang mga pasyente nga adunay non-Covid 19-related illnesses nga moadto sa Southern Philippines Medical Center (SPMC) bisan nga usa kini sa referral hospital alang sa Covid-19 cases.
Gipasalig ni Dr. Lenny Joy Rivera, assistant regional director sa Department of Health sa Davao Region (DOH-Davao), ngadto sa mga pasyente nga nag-antus ug non-Covid-related ailments sama sa heart disease, cancer ug diabetes gumikan kay hugtanon sumala pa nga gipatuman karon ang mga lakang batok Covid-19.
Samtang gikanayon sab sa nahisgutan nga ang DOH-Davao nakatutok karon dili lamang sa curative side apan lakip na sa preventive side sa health system.
Padayon sab sumala pa ang ilang pagmonitor sa hospital aron masiguro nga mahatag ang gikinahanglan nga health care sa mga tawo gawas sa pagdumala sa kaso sa Covid-19.
Nakiglambigit na sab sila sa uban pang mga private hospitals ilabi na nga pipila sa mga nahisgutan ang wala nagadawat ug Covid-19 cases inay nagbaton lamang ug uban nga balatian.
