DAVAO CITY – Gumikan kay daghanan pa gihapon ang wala pa hingpit nga nakabalik sa ilang trabaho karong panahon sa quarantine, gipasalig sa lokal nga kagamhanan pinaagi ni Davao City Mayor Inday Sara Duterte-Carpio nga magpadayon ang paghatag sa siyudad ug rasyon sa mga nanginahanglan.
Sumala pa kang Mayor Inday nga kalakip sa iyang gihatagan ug grocery packs ang mga empleyado sa mga establisyemento nga wala pa nakapadayon sa ilang operasyon ingon man kadtong mga kompanya nga nagpadayon na sa ilang trabaho apan limitado lamang ang mamumuo nga gipasulod.
Nanawagan na lamang ang Mayor sa mga buot mangayo uf food packs nga mas maayong makiglambigit sa operation center sa lokal nga kagamhanan ingon man sa Davao City reports ug sa pinakaduol nga district office sa City Social and Services and Development Office (CSSDO).
