DAVAO CITY – Gipasakahan na ug kaso ang tulo ka mga police nga gikanayong nag-inum sulod sa usaka facility sa Cabaguio Avenue ning syudad.
Mga Kasong administratibo ug kalapasan sa Republic act 11332 o Law on Reporting of Communicable diseases ang gi-atubang sa tulo ka mga sakop sa Davao city police office (DCPO).
Gikanayon ni Capt Rose Aguilar, ang spokesperson sa Davao city Police office (DCPO) ang nahisgutang 3 ka mga police ang lakip sa 37 ka mga miembro sa Regional Mobile Force Company nga bag-ong gi-deploy sa DCPO.
Sumala ni Capt aguilar, subay sa protocol kinahanglan una nga ipa-ilalm sa swab test ang mga police aron masiguro nga covid free ang mga nahisgutan ayha i-deploy sa nagkadaiyang bahin sa syudad.
Subay sa impormasyon, samtang nagpaabot sa ilang resulta gi-isolate una ang mga nahisgutan sa usaka facility sa may Cabaguio Avenue ning syudad diin nasakpan nga nag-inum sumala pa ang maong mga police.
Dugang pa ni Capt Aguilar nga posibling masuspende sa ilang serbisyo ang 3 ka mga police sa higayong mapamatud-an nga sad-an.
Gikan July 1 hangtud Agosto 25 moabot na sa 112 ka mga tawo ang nadakpan sa kapulisan gumikan sa kalapasan sa 24hr liquor ban.
