DAVAO CITY – Gimando karon sa ahensiya sa Civil Service Commission (CSC) ngadto sa mga nanag-iya ug establisyemento ning dakbayan nga kinahanglan pasuoton niini ug face shield ang ilang mga empleyado ilabi na kadtong naga-akomodar ug naga-atubang ug daghanang kliyente.
Sumala pa kang Lourdes Amerkhan, Supervising Human Resources specialists, CSC-II, angayan sumala pa nga siguruhon ang sa mga kompanya nga aduna silay bastante nga supply sa facemask ug face shield alang sa ilang empleyado.
Tipik lamang ang nahisgutan nga lakang aron nga masiguro nga ma-protektahan sab ang panglawas sa mga mamumuo ilabi na nga bisan si kinsa ang mamahimo nila nga maka-atubang.
Angayan sumala pa nga ipatuman ang nahisgutan nga lakang ilabi na kadtong mga ahensiya nga nagpatuman ug alternative work arrangement sama sa skeletal work force, staggered working hours ug daghanan pa.
Gitataw ni Amerkhan nga mas maayo sab sumala pa nga mohatag ang usa ka kompanya nga adunay transport facilities ingon man housing quarters sa ilang mga empleyado ilabi na ka kung pipila niini ang nanimuyo sa lagyo nga lugar.
