DAVAO CITY – Gipaspasan na sab karon ang pagpahimutang ug thermal scanner sa Sirawan Toril Checkpoint kini aron dali na lamang ang pagsubay kung walay sintomas ang mga pasahero o motorista nga mosulod dinhi sa dakbayan sa Davao.
Kahinumduman nga una na sab nga nagpahimutang ug susama nga ekipo sa may Lasang checkpoint diin daghanan sab ang mo-agi pasulod sa siyudad.
Sa kasamtangan, hugtanon pa gihapon nga ginapatuman sa mga personahe sa Task Force Davao (TFD) ang pagbantay sa mga checkpoint ilabi na sa mga Locally Stranded Individual (LSIs) nga planong mosulod sa siyudad nga walay dala nga mga gikinahanglan nga rekisitos.
Apan una ng gitino ni TFD commander Consolito Yecla nga pasudlon nila ang mga LSIs nga adunay negative results sa ilang RT-PCR samtang ubanan sab nila nga magpa-test kadtong mga LSIs nga ilang mababagan sa checkpoint.
