DAVAO CITY – Gikatakdang magpatukod ang Department of Tourism (DOT) ug usaka Covid-19 testing laboratory isip dugang sa testing capacity sa syudad alang sa mga air passengers.
Kini ang gibutyag ni Mayor Inday Sara Duterte labot sa gipaabot nga suporta ug commitment sa DOT alang sa Covid-19 testing laboratory sa mga air passengers.
Sa higayon nga hingpit nang mapabarug, ang syudad ang aduna nay 5 ka mga covid 19 testing laboratories sa mosunod nga mga adlaw.
Sa kasamtangan ang dakbayan ang aduna lamay 2 ka mga testing laboratories nga naa nahimutang sa Southern Philippines Medical Center (SPMC), ug Davao One World – usaka private laboratory.
Samtang, gina-andam pa ang Davao Doctor’s Hospital ug ang Los Amigos Health Center ug lauman nga magamit na kini sa unang semana sa bulan sa Agosto.
Subay sa report, ang Los Amigos Health Center ang nagbaton na ug permit to construct, samtang nagpadayon pa usab karon ang pagpamalit sa mga ekipo still ongoing.
Hingpit na usab nga nakahuman sa ilang training ang mga Health care workers ug mga personahe nga ipahimutang sa nahisgutang center.
Samtang, gipasalig ni Mayor Sara nga ang testing laboratory sa DOT ang mapatukod sa labing madali nga panahon aron matabangan ang Covid-19 testing sa syudad.
