DAVAO CITY – Patay ang usaka opisyal sa City Environment and natural Resources Office (CENRO) sa Island Garden City Of Samal (IGACOS) human gibanhigan pasado alas dose kaganinang udto lamang sa Purok-1B, Barangay Peñaplata, Samal District, Island Garden City of Samal.
Giila ang biktima nga si Florente A Coronel, 54 anyos, minyo ug empleyado sa CENRO – IGACOS ug residete sa nahisgutang lugar. Subay sa pahayag ni Major Romeo Mapano.
Hepe sa IGACOS police pauli na si Coronel sakay sa iyang pula nga SUV Mitsubishi Montero sa dihang pag-abot niini sa highway sa Purok-1B, Barangay Peñaplata, Samal District, IGACOS duol na lang sa iyang pinoy-anan gisundan kini sa mga wala mailhing mga armado sakay sa usaka Gray nga Van ug lain pang duha ka mga wala mailhing lalaki nga nagsakay usab ug motorsiklo.
Kalit nga gipusil sa mga suspect ang sakyanan sa biktima hinungdan nga naka-angkon kini ug daghang mga samad sa nagkadaiyang bahin sa iyang lawas. Dali nga gidala ang opisyal sa Davao Del Norte Hospital, Samal Zone apan gideklara kini sa mga doktor nga dead on arrival.
Narecover gikan sa lugar ang usaka slug sa empty shell sa cal. 45, 1 – slug sa 9mm, 1 – empty shell sa 9mm ug empty shell sa gituohang gikan sa 5.56 mm nga armas.
Milusad na usab karon ug hugot nga pagpanubay ang kapulisan sa IGACOS aron pag-ila ug pagdakop sa mga suspect, dungan sa pagsuta sa motibo sa krimen.
