DAVAO CITY – Nakatala na karon ug labing una nga “death case” tungod sa Covid-19 ang probinsiya sa Davao Oriental.
Kini mismo ang gikumpirma sa Department of Health diin ang nahisgutan nga pasyente mao ang usa ka 46 anyos nga babaye.
Una ng nasayran nga ang nahisgutan nga pasyente natala sa munisipyo sa Banaybanay apan gipanubayan pa karon ang migula nga report nga residente sumala pa kini sa munisipyo sa Lupon.
Gikanayong miadto sumala pa ang pasyente dinhi sa dakbayan sa Davao kaniadtong Hunyo 30.
Gipailalom ang nahisgutan sa swab test kaniadtong July 12 ug nipanaw sa susama nga adlaw sa SPMC, Davao City.
Kagahapon gipagula ang resulta sa RT-PCR swab test sa pasyente. Nasayran nga aduna nay Chronic Heart Failure ang pasyente nga dugang hinungdan sa kamatayon niini.
Gihimo na sab karon ang contact tracing sa mga ulahing nakahimamat sa nahisgutan.
Nanawagan sab ang lokal nga kagamhanan sa Davao oriental ngadto sa mga residente sa lugar nga kanunay motamud sa mga health protocols aron nga mapugngan pa ang kaso sa covid-19 sa lalawigan.
