DAVAO CITY – Magpadayon ang pagpatuman ug mga programa sa gobyerno sa Brgy. Binaton Digos City kini aron masiguro nga magpadayon na ang kalambuan sa lugar ug dili na mausab pa ang ngilngig nga massacre tulo ka dekada na ang milabay.
Kahinumduman nga gitambongan kagahapong adlawa ug mga opisyal sa kagamhanan ang paghinumdom sa ika-31st nga anibersaryo sa Rano masscare diin anaa sa 38 ka mga residente sa lugar ang gipamatay kaniadtong Hunyo 25, 1989 sa mga rebeldeng New People’s Army (NPA) lakip na ang mga bata.
Sumala pa kang PCOO Under Sec. Lorraine Badoy usa sa mga dinapit sa maong aktibidad, kini sumala pa ang rason nganong buot ni Pangulong Rodrigo Duterte nga himuong urgent ang pagpalabang sa Anti-terrorism bill kini aron dili subling mahitabo ang susama nga insidente ug mapugngan na ang mga dautan nga binuhatan sa mga rebelde.
