DAVAO CITY – Gipaspasan na karon sa ahensiya sa Department of Social Welfare and Development Office (DSWD) ang validation sa mga benepisiyaryo aron nga gilayon nila nga masugdan ang pagpanghatag ug second tranche sa Social Amelioration Program (SAP) ngadto sa mga residente nga labing naapektohan sa pagkuyanap sa Covid-19.
Sumala pa kang Grace Subong, regional director sa DSWD-11 gihulat na lamang nila ang final validation na lamang ang ilang gihulat aron nga mapasa nila kini sa ilang central ug mapagula na ang pinal nga listahan ayha sugdan ang pagpanghatag sa second tranche.
Sa higayon nga matapos na ang usa ka lugar sa ilang pag-validate ug mogawas na ang pinal nga listahan sa mga benepisiyaryo, gilayon nila nga sugdan ang ikaduhang hugna sa pagpanghatag ug hinabang.
Kahinumduman nga daghanan ang nagpasibaw sa ilang kadismaya ang pipila ka mga residente human nga wala sila nahilakip sa mga benepisyaryo sa 1st tranche sa SAP nga maoy hinungdan nga ubay-ubay ka mga opisyal sa barangay ug munisipalidad ang napasakahan ug kaso.
