DAVAO CITY – Gibutyag sa Davao City Police Office (DCPO) nga sa milabay nga tulo ka bulan, wala sumala pa silay nasikop nga motorista nga nakasupak sa “no backride” policy sa siyudad nga usa sab sa protocols ilalom sa community quarantine gumikan sa pagkuyanap sa Covid-19.
Sumala pa kang DCPO Director Police Colonel Kirby John Kraft, nga sukad bulan sa Marso gisugdan na sa siyudad ang pag-ban sa pag-angkas sa single motorcycle isip kabahin sa mga sumbanan aron nga malikayan ang pagkatag sa coronavirus disease (Covid-19).
Wala gitugot ang maong lakang sanglit mawagtang sumala pa ang katuyoan sa social distancing.
Una ng nagpasibaw ug kadismaya ang mga motorista ug pipila ka mga local government units (LGUs) sa maong lakang sa national government sanglit ang habal-habal ang nag-unang transportasyon sa pipila ka mga lugar sa nasod.
Apan gibarugang sa kagamhanan nga ang maong lakang tipik lamang aron nga mapugngan ang pagsaka sa kaso sa Covid-19.
