DAVAO CITY – Nananawagan karon si kanhi House Speaker Davao del Norte Congressman Pantaleon D. Alvarez sa Department of Education (DepEd) lakip na sa mga pribadong tulonghaan nga paubsan ang ilang mga matrikula dungan sa pagpatuman sa Blended Learning Program ngayong school year tungod sa Coronavirus Disease 2019 (Covid-19).
Sa usa ka pahayag, gikanayon ni Alvarez nga dakong tabang alang sa mga ginikanan nga makunhuran ang tuition fee tungod mamahimo kini nga pangdugang sa ilang inadlaw-adlaw nga galastuhon.
Sumala pa sa opisyal nga kung ubos ang matrikula, mamahimong makabayad sab ang mga ginikanan sa internet connection nga usa sa mga modalities nga gamiton sa blended learning.
Gitino sab ni Alvarez, dili sumala pa dako ang mawala sa mga pribadong tulonghaan sanglit moubos sab sumala pa ang operation cost sa mga nahisgutan ilabi na nga ipatuman na karon ang online classes.
Samtang padayon sab ang panawagan sa Department of Education (Deped) pinaagi sa ilang tigpamaba nga si Jenielito Dodong Atillo ngadto sa mga ginikanan nga epa-enroll ang ilang mga anak gumikan kay mamahimo pa gihapon nga makapadayon ang mga nahisgutan sa ilang pagtuon bisan nga anaa lamang sila sa panimalay.
