DAVAO CITY – Padayon ang pagpaningkamut sa kasundaloan aron gukdon kadtong nga nagpamilos atol sa panahon sa ECQ sa pipila ka lugar sa rehiyon ilabi na dinhi sa Mindanao.
Anaa sa 21 ka klase armas ang narekober sa otoridad nga gituohang iya sa gerilya sa Front North, usa ka yunit sa New People’s Army (NPA) ug nahibilin samtang nagbaktas sa Agusan del Sur, Surigao del Sur, Davao De Oro, ug Davao Oriental.
Mismong ang Joint Task Force Agila sa Eastern Mindanao Command ang nakarekober sa mga tag-as nga mga kalibre sa armas.
Ang unang hugna nahitabo sa Sitio Matigdaw, Barangay Marayag, Lupon, Davao De Oro nga gilangkuban sa (1) M60 Machine Gun, (3) M16 rifles, ug (1) M14 rifle.
Ikaduhang hugna mao ang nadiskobrehan sa Sitio Casunugan, Barangay Mahan-ub, Baganga, Davao Oriental nga gilangkuban sa (3) M16 rifles ug (1) US M2 Carbine rifle.
Sa taho nga gihimo ni Brigadier General Eriel Niembra, Commander sa 701st Infantry Brigade ngadto kang Major General Reuben Basiao, Commander sa Joint Task Force Agila, ang NPA North Front nahugno na human pagsurender sa ilang mga regular nga sakop atol sa niaging mga bulan isip resulta sa way puas ug panaghiusa nga paningkamot sa mga tropa sa gobyerno ug mga lokal nga kagamhanan.
Padayon karon nga gigukod sa military ang mga miikyas nga mga rebelde.
