DAVAO CITY – Mamahimo na matud pa nga makapadayon ang mga laundry shops sa ilang operasyon dinhi sa siyudad apan kinahanglan nga ipatuman ang health safety measures.
Sumala pa kang Davao City Mayor Sara Duterte-Carpio, tugtan ang pag-operate sa mga laundry shops human nga gi-adopt sa lokal nga panggamhanan ang Omnibus Guidelines sa pagpatuman sa Community Quarantine nga gi-isyu sa Inter-Agency Task Force for the Management of Emerging Infectious Diseases (IATF-EID) pinaagi sa Executive Order No. 28-A.
Apan kinahanglan nga magsuot ug personal protective equipment (PPE) ang mga nagdumala niini isip precautionary measure. Gipahimangnoan sab niini ang mga shops nga dili isasgol-sagol ang mga senina sa mga kustomer sa usa lamang ka basket.
Angayan sab sumala pa nga ipatuman ang skeleton workforce sa laundry shops; private establishments nga kalakip sa probisyon sa essential goods and services, ug mga aktibidad nga adunay kalabotan sa pagkaon ug medicine production.
