DAVAO CITY – Gi-angkon ni Barangay Capt. Rodolfo Te sa Daliao, Toril ning dakbayan nga wala na niya kapugngi ang pagdagsa sa sobra ka daghan sa mga tawo gumikan kay gipang-gutom na sumala pa ang mga nahisgutan human mawad-i ug kapanginabuhian sukad gisugdan ang pagpatuman sa Enhanced community Quarantine sa dakbayan sa Dabaw.
Tipik lamang kini human nga wala natuman ang social distancing tali sa mga residente sa usa ka barangay sa Toril ning dakbayan sa Dabaw human midagsa ug nagdasok sa barangay hall alang sa financial assistance gikan sa gobyerno.
Nasayran nga sukad sa milabay nga semana, nagkaguliyang na ang tibuok barangay Daliao, Toril gumikan kay tanang mga residente buot nga makakuha ug tabang gikan sa special amelioration program (SAP).
Nasayran nga gawas sa kinyentos ka mga SAP beneficiafries nga naka schedule kagahapong adlawa alang sa ilang financial assistance, midagsa usab sa vinue ang gatusan ka mga residente aron magpalista alang sa sumala ika-duhang hugna sa financial assistance.
Gikanayon ni Kapitan Te nga ang iyang barangay adunay otso mil ka mga residente apan bugtong 3,700 slots lamang ang gihatag sa DSWD hinungdan nga dili imposibli nga daghan gayud nga mga residente ang mag ilugay aron maka apil sa second tranche sa ayuda.
