DAVAO CITY – Gikumpirma ni davao City Mayor Sara Duterte Carpio nga usa ka vendor sa Bankerohan Public Market ang nag-positibo sa cornavirus disease (covid 19).
Gikanayon ni Mayor Inday Sara nga mao kini ang dugay na niya nga balik-balik ug sulti sukad pa sa sinugdanan nga likayan gayud ang pagadto kanunay sa mga palingke, supermarkets gumikan kay nagtapok dinhi ang daghang mga tawo hinungdan nga taas kaayo ang posibilidad sa pagtakboy sa infection apil na usab sumala pa dinhi ang mga ospital ug mga punenarya.
Dugang gikanayon ni Mayor Sara nga niadtong milabay nga semana dungan sila nga mipahigayon ug intensified case finding sa tulo ka mga dapit sa dakbayan sa Dabawe nga gilangkuban sa Bankerohan, Buangin ug Isla verde diin migawas sa resulta nga pulos nag-positibo ang mga biktima.
Sa karon ang dakbayan sa Dabaw ang nagbaton ug 113 ka total number of covid positive cases, 589 ang naka-recover samtang 19 usab ang namatay.
Sa nahisgutang ihap, 102 ang na-admit sa southern Philippine Medical center, 17 sa center 1, 3 sa center B ug 15 sa center C.
